Karanavirusnaja infiekcyja maje ŭsie šancy stać siezonnaj, jak i inšyja vostryja reśpiratornyja virusnyja infiekcyi. U suviazi z hetym vakcynacyja ad karanavirusa moža stać takoj ža rehularnaj, jak imunizacyja suprać hrypu, ličać apytanyja TASS infiekcyjanisty i virusołahi.
«Mierkavany siezon karanavirusa ŭ cełym budzie supadać ź siezonam hrypu, ale ŭ roznych krainach, klimatyčnych umovach mahčymyja niuansy», — skazaŭ dyrektar rasijskaha Instytuta miedycynskaj parazitałohii, trapičnych i tranśmisiŭnych zachvorvańniaŭ im. A. I. Marcynaŭskaha Alaksandr Łukašoŭ.
Jon źviarnuŭ uvahu, što vielmi važnym pytańniem na siońnia źjaŭlajecca toje, kolki budzie zachoŭvacca imunitet paśla vakcynacyi. «My nie stolki aścierahajemsia, što virus muciruje i sydzie ad dziejańnia vakcyn, jakija raspracoŭvajuć, kolki my nie ŭpeŭnienyja ŭ tym, nakolki napružanym budzie imunitet — kolki jon budzie zachoŭvacca, i nakolki hety imunitet budzie pieraškadžać cyrkulacyi virusa», — padzialiŭsia ekśpiert. Łukašoŭ taksama ličyć, što rabić vysnovy ab tym, ci dapamoža imunizacyja nasielnictva całkam spynić cyrkulacyju virusa, nie atrymajecca jašče najbližejšyja paŭtara hoda.
Zahadčyca kafiedry virusałohii Rasijskaj miedycynskaj akademii bieśpierapynnaj prafiesijnaj adukacyi Alena Malińnikava taksama pahadziłasia z tym, što dla karanavirusnaj infiekcyi jak dla infiekcyi, jakaja pieradajecca pavietrana-kropielnym šlacham, charakternaja siezonnaść. «Kolki hety virus budzie cyrkulavać, skazać składana, heta moža być i paŭtara hoda, i 10 hadoŭ. Ale pakul jon pavodzić siabie tak, jak i inšyja reśpiratornyja virusy», — raspaviała jana TASS.
«Nieabchodna dažyć, kali vakcyna budzie aktyŭna vykarystoŭvacca. Buduć bačnyja jaje plusy i minusy, možna budzie kazać, ci treba pryščaplacca kožny hod», — zaŭvažyła Malińnikava.
«Kali vakcyna budzie pracavać dobra, to z nastupnaha siezona, ź leta, možna budzie vakcynavacca ad karanavirusnaj infiekcyi», — ličyć vakcynołah Jaŭhien Cimakoŭ. Jon adznačyŭ, što spatrebicca niekalki hadoŭ dla zboru statystyčnych źviestak, kab vyznačyć praciahłaść siezona karanavirusnaj infiekcyi.
Paraŭnoŭvajučy karanavirus i hryp, Cimakoŭ dadaŭ, što mutacyja pieršaha vielmi redkaja, i kožny hod mianiać vakcynu, mahčyma, nie spatrebicca. «U karanavirusa i hrypu roznyja miechanizmy źmianialnaści. Toj białok karanavirusa, jaki znachodzicca ŭ vakcynie, nie muciruje», — rastłumačyŭ jon.
Malińnikava nahadała, što ŭ suviazi z nadychodam epidemijałahičnaha siezona hrypu i VRVI, asabliva va ŭmovach pandemii karanavirusa, varta zrabić pryščepku ad hrypu, kab paźbiehnuć nastupstvaŭ ad nakładańnia niekalkich infiekcyj.
