Ministerstva zamiežnych spraŭ adznačaje poŭnaje niežadańnie z boku ES navat pasprabavać abjektyŭna razabracca ŭ pracesach, što adbyvajucca. Pra heta havorycca ŭ adkazie kiraŭnika MZS Uładzimira Makieja.
Fota Nadziei Bužan
«Poŭnaje niežadańnie z boku ES navat pasprabavać abjektyŭna razabracca ŭ pracesach, što adbyvajucca. Tamu acenki Žaziepa Barela liču kateharyčnymi i tendencyjnymi», — padkreśliŭ kiraŭnik MZS.
Uładzimir Makiej, u pryvatnaści, adznačyŭ, što Barel kazaŭ pra toje, što abaviazkova da majučaha adbycca pasiadžeńnia Savieta ES pavinny być pryniaty sankcyi, i heta, pa jaho słovach, pavinna paćvierdzić aŭtarytet ES.
«Nie vierycca, ale heta amal cytata. A my byli ŭpeŭnienyja, što aŭtarytet ES usio ž trymajecca nie na sankcyjach, — zaŭvažyŭ ministr. — Ci ŭziać kateharyčnyja patrabavańni ab pačatku niejkaha inkluziŭnaha nacyjanalnaha dyjałohu. Biezumoŭna, z prafiesijnaha punktu hledžańnia liču, što patrabavać taho, što ŭžo zapłanavana i anansavana, — śviedčańnie niesumnienna dobraha biurakratyčnaha vopytu i analityčnaha raźliku. Tady nahadvaju, što prezident Biełarusi niadaŭna znoŭ paćvierdziŭ hatoŭnaść inicyjavać praces refarmavańnia palityčnaj sistemy ŭ krainie na asnovie pryniaćcia papravak u Kanstytucyju. Dastatkova było choć by pračytać ci pracytavać kiraŭnika biełaruskaj dziaržavy».
Uładzimir Makiej vykazaŭsia i nakont pazicyi ES, što paŭtornaje praviadzieńnie vybaraŭ — najlepšaje rašeńnie. «Najlepšaje rašeńnie dla kaho? Dla ES, u jakoha nie atrymałasia vyjhrać na praviedzienych u Biełarusi vybarach? A vy ŭpeŭnieny, što heta było b najlepšym rašeńniem? Jość prykłady, dzie takija «najlepšyja rašeńni» ES pryviali da najlepšych vynikaŭ? Abo ahavorka Barela ŭsio ž była sensavaja? — kaža ministr. — Tak, moža być, adsiul razmovy i pra nielehitymnaść prezidenta Biełarusi? U nas prajšli vybary, chaj pa niekatorych vysokich kanonach i nie idealna, adnak narod svajoj bolšaściu, heta siońnia składana pastavić pad sumnieŭ, vyznačyŭ ich pieramožcu. Chaciełasia b zrazumieć, na jakoj padstavie pradstaŭniki ES staviać siabie naraŭnie ź biełaruskim narodam i ličać, što majuć prava adnaasobna vynosić vierdykty ab prymalnaści dla biełarusaŭ vynikaŭ vybaraŭ. Dla mianie hetyja vieličyni dakładna nie raŭnaznačnyja».
