U vypadku vajennaj ahresii suprać Biełarusi zvonku, moža być užyty siłavy adkaz u ramkach damovaŭ respubliki pa linii Sajuznaj dziaržavy i Arhanizacyi Damovy ab kalektyŭnaj biaśpiecy, zajaviŭ načalnik departamienta mižnarodnaha vajennaha supracoŭnictva Minabarony Respubliki Aleh Boinaŭ, piša «Interfaks».
«My nie vyklučajem i vykarystańnie siłavoha varyjanta reahavańnia na pramyja vajennyja pahrozy ŭ ramkach dziejučych damoŭlenaściaŭ pa linii Sajuznaj dziaržavy i Arhanizacyi Damovy ab kalektyŭnaj biaśpiecy ŭ vypadku adkrytaj vajennaj ahresii ŭ dačynieńni da Biełarusi i ŭźniknieńnia ŭzbrojenaha kanfliktu», — skazaŭ Boinaŭ.
«Va ŭmovach vykazvańniaŭ asobnych polskich vajskovych ekśpiertaŭ ab razhladzie mahčymaści siłavoj padtrymki źmieny ŭłady ŭ Respublicy, ab mahčymym parušeńni terytaryjalnaj cełasnaści dziaržavy šlacham adździaleńnia Hrodzienskaj vobłaści takaja padtrymka stanovicca aktualnaj», — padkreśliŭ jon.
