U Homli zatrymali maci traich dziaciej, felčarku Alenu Davydavu. Jana nakiroŭvałasia na pracu i źnikła — paviedamiła Svabodzie jaje siabroŭka. Potym z čužoha telefonu Alena pazvaniła mužu i skazała, što jana ŭ milicyi, prasiła pryvieźci rečy. Imavierna, jaje paviazuć u izalatar časovaha ŭtrymańnia, piša Svaboda.
U Homli siońnia zatrymanyja prynamsi 10 čałaviek, u tym liku dva vykładčyki — Homielskaha dziaržaŭnaha techničnaha ŭniversytetu imia P. Suchoha i Biełaruskaha dziaržaŭnaha ŭniversytetu transpartu. Z techničnaha ŭniversytetu milicyja zabrała Vadzima Bielskaha, z transpartnaha — Jaŭhiena Malikava. Viadoma, što Bielskaha pakarali aryštam na 3 dni. Taksama milicyja schapiła žurnalistku Łarysu Ščyrakovu i aperatara Andreja Tołčyna. Milicyja palavała i za žurnalistami Jaŭhienam Mierkisam i Marynaj Drabyšeŭskaj.
