Respublikanskaja partyja zajaviła, što nie padpisvała «Dekłaracyju dziesiaci» biełaruskich partyjaŭ, piša Jeŭraradyjo.
«Nichto nie vioŭ pieramovy ni z kim z členaŭ kirujučaha orhana partyi ŭ dadzieny momant. Karmazin, jaki padpisaŭ hetuju rezalucyju, samazvaniec, rašeńniem VSCP RP vyklučyli jaho jašče ŭ traŭni miesiacy 2020 hoda za dziejańni ad imia Respublikanskaj partyi, nie adpaviednyja Statutu RP i nie sumiaščalnyja ź siabroŭstvam u partyi», — zajaŭlajuć u partyi.
U partyi z kanca 2019 hoda adbyvajecca ŭnutrypartyjny kanflikt, jaki dahetul nie raźviazany.
Jak pisałasia ŭčora, 10 vieraśnia 10 z 15 partyjaŭ, zarehistravanych u Biełarusi, padpisali sumiesnuju zajavu. U hetaj dekłaracyi jany zapatrabavali spynić hvałt, vyzvalić zatrymanych, pačać kryminalnyja spravy pa faktach zabojstvaŭ, katavańniaŭ, advolnych zatrymańniaŭ. Taksama jany zapatrabavali ad uładaŭ pačać dyjałoh i na praciahu paŭhoda pravieści novyja prezidenckija vybary.
Paviedamlałasia, što pad dekłaracyjaj padpisalisia čatyry partyi, jakija mieli reputacyju praŭładnych — Sacyjalna-spartovaja, Respublikanskaja, Partyja pracy i spraviadlivaści, a taksama Partyja narodnaj zhody.
Praŭładnyja i apazicyjnyja partyi padpisali dekłaracyju ab spynieńni hvałtu i praviadzieńni novych vybaraŭ ciaham paŭhoda
