«Naša Niva» i Bukmiekierskaja kantora Leon praciahvajuć sačyć za ajčynnym futbołam.
Fiederacyja futboła ŭspomniła pra sakavickija daručeńni Minsportu i razasłała ŭ kłuby listy z patrabavańniem ab zapaŭnieńni stadyjonaŭ nie bolš čym na 25%. Pryčyna ŭsio taja ž, jakoj ciapier šmat što tłumačycca ŭ Biełarusi, — epidemijałahičnaja abstanoŭka.
Praz karanavirus trapiła ŭ nie samuju pryjemnuju historyju moładzievaja zbornaja. Futbalisty pryjechali ŭ Partuhaliju na adboračny matč, i test na COVID-19 pakazaŭ stanoŭčy vynik adrazu ŭ traich biełarusaŭ. Ciapier usia zbornaja zasieła ŭ hateli, matč admienieny, a hulnia «Enierhietyk-BDU» — «Słuck» pieraniesienaja.
Što tyčycca matčaŭ papiaredniaha tura, to vyniki byli takija:
- «Słuck» — «Dynama-Minsk» 1:2 (26, Hafar — 29, 52, Šykaŭka)
- «Isłač» — «Šachcior» 4:2 (10, 69, Jusaŭ; 71, 90+3, Januš — 48, A. Archipaŭ; 86, Burko)
- «Dynama-Brest» — «Biełšyna» 1:2 (53, Juzepčuk — 41, Rekiš; 60, Koviel)
- «Enierhietyk-BDU» — «Smalavičy» 4:1 (22, Umaraŭ; 32, 89, Bakič; 53, Musachanian — 78, Makaraŭ)
- «Haradzieja» — «Ruch» 1:3 (60, Siankievič — 11, Hračycha; 43, Nikifarenka; 84, Sadoŭski)
- «Słavija» — «Viciebsk» 1:1 (34, Tetech — 11, Vołkaŭ)
- «Tarpieda-BiełAZ» — «Minsk» 1:1 (39, Habryel Ramas — 47, Hryboŭski)
- «Nioman» — BATE 0:2 (42, Skavyš; 54, Niachajčyk)
TURNIRNAJA TABLICA
A ciapier pierachodzim da anonsaŭ matčaŭ, jakija musiać prajści z 11 pa 13 vieraśnia.
«Minsk» — «Haradzieja»
- 11.09, 17:00. Minsk, stadyjon «Traktar».
- Kaeficyjenty: «Minsk» (pieramoha) — 2.09; ničyja — 3.75; «Haradzieja» (pieramoha) — 3.65.
Paśla źmieny treniera «Minsk» pačaŭ demanstravać dobryja vyniki. Padčas paŭzy «haradžanie» zhulali jašče i pieraniesieny raniej matč z «Niomanam», jaki vyjhrali ź likam 4:3, čym palepšyli svajo turnirnaje stanovišča.
Fota: FK «Minsk».
Hulnia z kankurentam u baraćbie za niavylet — niebłahi šaniec nablizicca da siaredziny tablicy.
Prahnoz «NN»: pieramoha «Minska».
«Ruch» — «Nioman»
- 12.09, 14:00. DASK «Brescki».
- Kaeficyjenty: «Ruch» (pieramoha) — 3.36; ničyja — 3.70; «Nioman» (pieramoha) — 2.21.
12-matčavaja sieryja «Niomana» ŭ čempijanacie biez paraz, na žal, prypyniłasia. Paśla projhryšu BATE haradziency niazvykła šmat prapuścili ŭ vyšej zhadanym matčy z «Minskam», u vyniku adpuściŭšy lidaraŭ tablicy napierad na 5 bałaŭ.
U «Ruchu» zajzdrosnaja sieryja, naadvarot, praciahvajecca i naličvaje ŭžo čatyry matčy čempijanatu i adnu kubkavuju hulniu.
Prahnoz «NN»: «Ruch» nie prajhraje.
BATE — «Smalavičy»
- 12.09, 16:00. «Barysaŭ-Arena».
- Kaeficyjenty: BATE (pieramoha) — 1.12; ničyja — 11.25; «Smalavičy» (pieramoha) — 24.00.
U pieršym kruzie «Smalavičy» zmahli naviazać surjoznuju baraćbu BATE — toj matč skončyŭsia z chakiejnym likam 5:3. Ale ciapier na «Barysaŭ-Arenu» jedzie najhoršaja kamanda vyšejšaj lihi, jakuju ŭ kubkavym matčy razhramiła kamanda pieršaj lihi.
Imavierna, BATE zhulaje nie asnovaj, kab pabierahčy lidaraŭ pierad jeŭrakubkavaj hulnioj u Bałharyi 17 vieraśnia. Tym bolš jany tolki viarnulisia z matčaŭ zbornych.
Prahnoz «NN»: pieramoha BATE.
«Šachcior» — «Viciebsk»
- 12.09, 18:00. Salihorsk, stadyjon «Budaŭnik»
- Kaeficyjenty: «Šachcior» (pieramoha) — 1.51; ničyja — 4.60; «Viciebsk» (pieramoha) — 7.10.
Juryju Viernidubu nie daravali vylet ź Lihi Jeŭropy i prajhrany matč z «Isłačču». Ukrainski trenier pakinuŭ kłub, zamiest jaho «harniakoŭ» budzie treniravać inšy ŭkrainiec — Raman Hryharčuk, jaki raniej pracavaŭ u «Astanie».
Pieršy supiernik Hryharčuka na čale «Šachciora» — mocny «Viciebsk», ale paŭnočnaja kamanda nie moža vyjhrać užo try tury zapar.
Prahnoz «NN»: pieramoha «Šachciora».
«Dynama-Minsk» — «Dynama-Brest»
- 12.09, 20:00. Minsk, stadyjon «Dynama»
- Kaeficyjenty: «Dynama-Minsk» (pieramoha) — 2.15; ničyja — 3.60; «Dynama-Brest» (pieramoha) — 3.60.
Minskaje «Dynama» biassłaŭna vylecieła ź jeŭrakubkaŭ, potym prajhrała toj samy matč «Krumkačam» i zastałosia biez kubka. Leanid Kučuk pakul pry pasadzie, ale trenierskaje kresła vidavočna hajdajecca.
U Bresta zastałasia jašče Liha čempijonaŭ, u čempijanacie ž asablivych nadziej užo, vidać, niama: kamanda Kavalčuka na dziasiatym radku.
Prahnoz «NN»: totał, mienšy za 2.5.
«Biełšyna» — «Isłač»
- 13.09, 16:00. Babrujsk, stadyjon «Spartak»
- Kaeficyjenty: «Biełšyna» (pieramoha) — 3.65; ničyja — 3.70; «Isłač» (pieramoha) — 2.11.
Kamanda z Babrujska vyjhrała try apošnija matčy i amal vybrałasia z zony vyletu. U adroźnieńnie ad kankurentaŭ u baraćbie za vyžyvańnie, u «Biełšyny» stanovišča bolš stabilnaje.
U ich nastupnaha supiernika sieryja jašče lepšaja, a pra pośpiechi Mikałaja Januša nie zhadaŭ tolki lanivy. Tamu nie vyklučana, što ŭ niadzielu ŭ Babrujsku budzie zhulany samy cikavy matč tura.
Fota: FK «Isłač».
Prahnoz «NN»: totał, bolšy za 2.5.
«Tarpieda-BiełAZ» — «Słavija»
- 13.09, 18:00. Žodzina, stadyjon «Tarpieda»
- Kaeficyjenty: «Tarpieda» (pieramoha) — 1.79; ničyja — 4.20; «Słavija» (pieramoha) — 4.50.
Tur skončycca ŭ Žodzinie matčam miascovaha «Tarpieda» i «Słavii». Mazyrčuki nie mohuć vyjhrać užo jak dva miesiacy, ale za hety čas dva matčy z udziełam «Słavii» byli pieraniesienyja.
U «Tarpieda» situacyja lepšaja — kamanda ŭ čempijanacie nie prajhraje piać turaŭ zapar i nastupaje na piatki «Niomanu», jaki idzie trecim.
Prahnoz «NN»: pieramoha «Tarpieda».
Hulnia «Enierhietyk-BDU» — «Słuck» pieraniesienaja.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!
