Fota sa staronki pradstaŭnictva ES u Biełarusi
«Paśla spantannaha vizita salidarnaści ŭ sieradu my viarnulisia ŭ haścinny dom nobieleŭskaj łaŭreatki Śviatłany Aleksijevič u amal poŭnym składzie.
My, ambasadary Jeŭrapiejskaha sajuza, Aŭstryi, Bałharyi, Čechii, Estonii, Francyi, Hiermanii, Italii, Łatvii, Litvy i Rumynii, a taksama časovyja pavieranyja ŭ spravach Niderłandaŭ, Polščy, Słavackaj Respubliki, Šviecyi i kiraŭnik Minskaha ofisa ambasady Finlandyi, zachaplajemsia mužnaściu i nastojlivaściu spadaryni Aleksijevič i ŭsich siabraŭ Kaardynacyjnaj rady Biełarusi dy inšych hramadzianskich inicyjatyŭ u patrabavańni taho, kab u Biełarusi panavała viaršenstva prava, u abaronie hodnaści svajho naroda, a taksama suvierenitetu i niezaležnaści svajoj krainy», — pišacca na staroncy pradstaŭnictva ES u Biełarusi.
Nahadajem, što ŭ sieradu, 9 vieraśnia, jeŭrapiejskija dypłamaty ź Litvy, Niamieččyny, Polščy, Słavakii, Čechii i Šviecyi pryjechali dadomu da Śviatłany Aleksijevič, kab pieraškodzić jaje mahčymamu zatrymańniu. Pierad hetym piśmieńnica raspaviała žurnalistam, što ŭ jaje dźviery zvanili nieviadomyja, na jaje telefon taksama prychodzili zvanki ź nieznajomych numaroŭ.
Śviatłana Aleksijevič — adziny siabra prezidyuma Kaardynacyjnaha savieta, chto znachodzicca na voli i nie pakinuŭ krainu. Astatnija pad aryštam ci byli vymušanyja pakinuć krainu.
