Studentaŭ, jakija ŭdzielničali 8 vieraśnia ŭ mirnaj akcyi ŭ hałoŭnym korpusie Hrodzienskaha ŭniviersiteta imia Janki Kupały, masava vyklikajuć u dekanat dla napisańnia tłumačalnaj na imia rektara. Pra heta paviedamlaje Telegram-kanał inicyjatyŭnaj hrupy, źviartaje ŭvahu Hrodna.life.
Akramia hetaha studentaŭ i členaŭ inicyjatyŭnaj hrupy vyklikajuć na radu prafiłaktyki, jakaja projdzie zaŭtra, 10 vieraśnia a 9-j pa adrasie: Ažeška, 22 (aŭd.209).
Raniej rektar Iryna Kiturka i staršynia Hrodzienskaha abłvykankama Uładzimir Karanik abiacali, što na studentaŭ nie budzie akazvacca cisk pa palityčnych matyvach.
Studenty Hrodzienskaha ŭniviersiteta imia Janki Kupały pačali padavać zajavy ab vychadzie z BRSM i prafkama. Va ŭniviersiteckaj arhanizacyi BRSM admaŭlajuć, što źjava maje masavy charaktar. Ale, jak kažuć sami studenty HrDU, užo sotni maładych ludziej z pačatku navučalnaha hoda vyjšli abo padali zajavy na vychad z BRSM i prafsajuznaj arhanizacyi.
