Kala 13.00 u kramu «Cudoŭnia» pryjšła milicyja. Jany skazali pradaŭcu, što ŭ ich dyśpietčarskuju słužbu paviedamili pra toje, što na Kirava, 3 visić bieł-čyrvona-bieły ściah. Ciapier, pavodle viersii milicyi, heta padpadaje pad art 23.34 KoAP — Parušeńnie paradku arhanizacyi abo praviadzieńnia masavych mierapryjemstvaŭ. Supracoŭniki milicyi skłali pratakoł pa art. 23. 34 KoAP i kanfiskavali ściah.
Supracoŭniki milicyi skłali pratakoł ahladu, raspavioŭ Hrodna.life pradaviec Anton Šarankievič. Jon byŭ śviedkam akta kanfiskacyi ściaha.
— Spytali, što heta za miesca, ź jakoj metaj byŭ vyviešany bieł-čyrvona-bieły ściah. Jany skazali, što heta padpadaje pad art. 23.34 KoAP. My rastłumačyli, što mety ŭdziełu ŭ masavych mierapryjemstvach nie było. Ściah — heta markier, vonkavaja rekłama, jakaja ŭpryhožvaje našu vitrynu i zaprašaje siudy našych pakupnikoŭ. Jana prama asacyjujecca z našym kirunkam — biełaruskaj tradycyjaj, etnahrafijaj, historyjaj, kulturaj.
Tłumačeńni Antona zapisali ŭ pratakoł, paśla čaho kanfiskavali ściah. Papieru ab akcie kanfiskacyi nie skłali. Fotakopiju pratakołu zrabić nie dazvolili. Pratakoł pieranakirujuć da ŭčastkovaha, toj budzie kamunikavać z haspadarom kramy.
U «Cudoŭni» ŭžo vyviesili novy ściah.
