U fond «Kraina zamkaŭ» pryjšoŭ z pazapłanavaj pravierkaj Dziaržkantrol. Dyrektar Fondu Alaksandr Varykiš bačyć tut palityčnuju matyvacyju: jon dapamahaŭ pres-słužbie Kaardynacyjnaj rady. Pra heta Varykiš zajaviŭ TUT.BY.
Pavodle słoŭ dyrektara Fondu, siońnia, 9 vieraśnia, paśla 14 hadzin dnia da ich pryjšli čatyry supracoŭniki dziaržkantrolu. Jany pakazali pradpisańnie i pačali pravierku finansavaha stanu arhanizacyi.
Fond «Kraina zamkaŭ» zajmajecca kulturnaj dziejnaściu. U tym liku, arhanizacyjaj i praviadzieńniem ekskursij.
— 2020 hod faktyčna zabiŭ hetuju halinu. Našy abaroty — mizernyja. Nievialikaje ažyŭleńnie nastupiła tolki ŭ žniŭni. I na hetyja abaroty pryjšło čatyry čałavieki, — kaža Varykiš.
Varykiš ličyć hetuju pravierku palityčnym ciskam na praciŭnikaŭ Alaksandra Łukašenki.
