Viadomaja biełaruskaja himnastka Mielicina Staniuta ŭ intervju The Guardian raspaviała pra toje, što adbyvajecca ŭ Biełarusi paśla prezidenckich vybaraŭ, piša Tribuna.com.
«Kali b mianie nie chvalavaŭ los majoj krainy, to ja b prosta zapluščvała vočy i starałasia ničoha nie čuć. Ale ja nie mahu. Ja nie mahu i nie budu.
Biełaruś — malusieńkaja kraina, jakaja nie ŭvachodzić u Jeŭrasajuz i mała kamu viadomaja. Ja šmat padarožničała i mahu skazać, što mnohija ab našaj krainie nie viedajuć. Kali ja kažu, što ja ź Biełarusi, jany kažuć: «O, heta Rasija». Ja kažu: «Nie, heta Biełaruś». Voś čamu ja padumała, što pavinna heta zrabić. Ja pavinna raskazać vam pra hvałt u našaj krainie, pakazać hetyja žudasnyja videa i pakazać toje, što adbyvajecca ŭ centry Jeŭropy ŭ 21-m stahodździ.
Tak, akcyi praciahvajucca praz 4 tydni paśla vybaraŭ. My razzłavanyja. Šmat u kaho z nas u kožnaj siamji ciapier jość toj, chto byŭ tam na pratestach ci prosta hladzieŭ, siadzieŭ niedzie na łaŭcy sa svajoj dziaŭčynaj abo vychodziŭ u kramu, a zatym apynuŭsia ŭ aŭtazaku.
Moj siabar byŭ na akcyi, a zatym trapiŭ u balnicu — jon byŭ źbity i byŭ ledź u stanie pierasoŭvacca. Jon spałochaŭsia i kazaŭ: «Jany, napeŭna, chočuć pakazać mianie lidaram hetych pratestaŭ».
Kali prezident skazaŭ pa dziaržaŭnych telekanałach, što ŭsie tyja ludzi, jakija chočuć svabody, sumlennych vybaraŭ, — prastytutki, aviečki i ałkaholiki, ja padumała: «Boža moj, čamu?» Jak my možam lubić, jak my možam być adkrytymi, kali jon vidavočna złoŭžyvaje ludźmi?
Pra reakcyju na zatrymańni ŭ čerhach u kramu Symbal.by
Ja prosta nie mahła maŭčać. Maje słovy tyčylisia tolki zakonu i taho, što my žyviom u demakratyčnaj krainie. Kali my nie parušajem zakon, my znachodzimsia pad abaronaj. Ale kali vy staicie ŭ čarzie ŭ kramu, to vas mohuć kinuć u aŭtazak.
Ja bajusia, što ja viarnusia ŭ Biełaruś, i jany skažuć: «Hej, jana vykarystała internet dla svajoj mižnarodnaj aŭdytoryi, i, mahčyma, jana lidar». Ci jany mohuć padkinuć narkotyki ŭ moj bahaž».
Pra maŭčańnie kalehaŭ-spartoŭcaŭ
Ja atrymała tak šmat paviedamleńniaŭ, u jakich havaryłasia: «Dziakuj za vašy słovy, dziakuj za vašu pazicyju, ale čamu śviet himnastyki maŭčyć?» Ja nie viedaju. Moža być, jość niejki cisk, ale dla tych chłopcaŭ [strajkoŭcaŭ] na zavodach — taksama jość cisk. Moža być, značna bolš cisku», — skazała Staniuta ŭ intervju The Guardian.
