Rabotniki vystavili šerah patrabavańniaŭ, u tym liku novyja vybary, spynieńnie hvałtu i pakarańnie vinavatych u hvałcie i falsifikacyjach. Pad zvarotam pakinuli podpisy 853 supracoŭniki miasakambinata, piša «Radyjo Svaboda».
U svaim liście jany adznačyli, što vybary 9 žniŭnia prajšli z parušeńniami, što vyklikała pratesty pa ŭsioj krainie. Patrabavańni kalektyvu Hrodzienskaha miasakambinata:
— vykonvać zakanadaŭstva Biełarusi;
— pryznać vybary 9 žniŭnia niesapraŭdnymi, pravieści novyja adkrytyja vybary z prazrystym padlikam hałasoŭ, prysutnaściu niezaležnych naziralnikaŭ;
— adstaŭka Alaksandra Łukašenki praz stratu davieru, hłavy CVK Lidzii Jarmošynaj, hłavy MUS Juryja Karajeva;
— spynić hvałt u dačynieńni da hramadzian Biełarusi;
— rasśledavać usie vypadki, kali ludziej niezakonna zatrymlivali i bili, i pakarać vinavatych;
— pakarać vinavatych u falsifikacyjach padčas vybaraŭ.
Aŭtary zvarotu pastavili ŭmovu: kali ichnyja patrabavańni nie vykanajuć u samyja karotkija terminy, jany pakidajuć za saboj prava na zabastoŭku.
