Na sajcie Liceja BDU źjaviŭsia adkryty list kalektyvu suprać hvałtu:
«Kalektyŭ Liceja Biełaruskaha dziaržaŭnaha ŭniviersiteta rašuča asudžaje eskałacyju hvałtu na vulicach Biełarusi, jakaja nazirajecca ŭ apošnija tydni.
1 vieraśnia 2020 hoda vypuskniki Liceja BDU sabralisia na mirnuju akcyju salidarnaści ŭ padtrymku zatrymanych vypusknikoŭ Antona Bialenskaha i Andreja Paźniaka, jakaja adbyvałasia nasuprać hałoŭnaha ŭvachoda ŭ Licej BDU. Akcyja skončyłasia žorstkimi zatrymańniami z prymianieńniem siły na terytoryi ŭstanovy adukacyi.
Nahadvajem, što zhodna z č.1 art. 33 Kanstytucyi Respubliki Biełaruś kožnamu hramadzianinu harantujecca svaboda pohladaŭ, pierakanańniaŭ i ich svabodnaje vykazvańnie. Zhodna z art 35. Kanstytucyi Respubliki Biełaruś svaboda schodaŭ, mitynhaŭ, vuličnych šeściaŭ, demanstracyj i pikietavańnia, jakija nie parušajuć pravaparadak i pravy inšych hramadzian Respubliki Biełaruś, harantujecca dziaržavaj.
Supracoŭniki Liceja BDU asudžajuć usie formy ahresii i hvałtu, tym bolš na terytoryi ŭstanovy adukacyi, bo Licej zaŭždy byŭ prykładam spakojnaha i pavažlivaha staŭleńnia nie tolki da svaich vučniaŭ, nastaŭnikaŭ i vypusknikoŭ, ale i da ŭsich suhramadzian, jakija mirna vyjaŭlajuć svajo mierkavańnie.
