Uviečary, 1 vieraśnia, niekalki socień mitynhoŭcaŭ iznoŭ sabralisia kala Čyrvonaha kaścioła, na płoščy Niezaležnaści.
Milicyjaniery ź miehafonam prasili mitynhoŭcaŭ razyścisia.
Na płošču pryjechali aŭtazaki. Siłaviki adhaniali presu na «biaśpiečnuju adlehłaść». Ludzi śpiavali «Razbury turmy mury».
Potym siłaviki pavyłazili z aŭtazakaŭ i pačali akružać mitynhoŭcaŭ. U pieršych šerahach stajali dziaŭčaty, mužčyny ŭsiaredzinie.
Pratestoŭcy vitali Ninu Bahinskuju, jakaja sa ściaham iznoŭ pryjšła na płošču.
Žančyny atačyli mužčyn-mitynhoŭcaŭ, kab ich nie mahli zatrymać. U vyniku siłaviki pakinuli płošču.
Mitynhoŭcy pajšli z płoščy ŭ kirunku centra. Vyjšli z płoščy ŭ tym liku i mužčyny, jakich ad zatrymańnia abaraniali žančyny. Kala 500 čałaviek išli pa praśpiekcie.