Administracyja prezidenta ZŠA Donalda Trampa moža razhledzieć pytańnie ab uviadzieńnia sankcyj suprać Rasii ŭ vypadku adkrytaha ŭmiašańnia Maskvy ŭ situacyju ŭ Biełarusi. Pra heta paviedamiła ŭ aŭtorak ahienctva Reuters sa spasyłkaj na pradstaŭnika Biełaha doma.
Pavodle jaho słoŭ, administracyja taksama razhladaje mahčymaść uviadzieńnia sankcyj u dačynieńni da siami biełarusaŭ, jakich Vašynhton ličyć datyčnymi da falsifikacyj na vybarach u Biełarusi. «U nas jość śpis ź siami čałaviek, my pracujem ź Minfinam dla [padrychtoŭki] dokaznaj bazy», — ukazaŭ čynoŭnik.
Surazmoŭca ahienctva padkreśliŭ, što pra mahčymaje pakarańnie dla Rasii za ŭmiašańnie ŭ situacyju ŭ Biełarusi kiraŭnika MZS Rasii Siarhieja Łaŭrova na pieramovach u Maskvie papiaredziŭ namieśnik dziaržsakratara Styvien Bihan. Jon, pa słovach čynoŭnika, daŭ rasijskamu boku zrazumieć, «što kali ruskija adkryta ŭmiašajucca z užyvańniem siły ŭ situacyju ŭ Biełarusi, to heta adabjecca na rasijska-amierykanskich adnosinach».
