U Minsku supracoŭniki milicyi zatrymali žurnalistku «Jeŭraradyjo» Maryju Vajtovič. Incydent adbyŭsia ŭ žyvym efiry — jana viała strym sa studenckaj akcyi pratestu. Razam ź joj zatrymany karespandent haziety «Biełarusy i rynak» Raman Hadun, paviedamlaje BAŽ.
Praź niekalki hadzin Maryju Vajtovič i Ramana Haduna adpuścili z RUUS.
A ŭ 17:00 pry razhonie maršu studentaŭ zatrymali žurnalistaŭ TUT.BY Nadzieju Kalininu, Alaksieja Sudnikava, pradstaŭnika BiełaPAN Andreja Šaŭluhu i žurnalista Vasila Siamašku.
Taksama na maršy studentaŭ zatrymanyja supracoŭniki «Kamsamolskaj praŭdy» ŭ Biełarusi: fatohraf Śviatasłaŭ Zorki, apieratar Mikita Niedavierkaŭ i karespandent Maryja Elaševič.
«RIA Novosti» paviedamlajuć, što adnym z zatrymanych u Minsku žurnalistaŭ byŭ ich karespandent.
