Spravu razhladaŭ sudździa Alaksandr Kočak, sud Partyzanskaha rajona. Pavodle pratakoła, 30 žniŭnia Šyła ŭ 14:20 pryniaŭ udzieł u niesankcyjanavanym mitynhu, «vykryvaŭ pravakacyjnyja łozunhi, plaskaŭ u dałoni».
Rapart skłaŭ staršy ŭčastkovy Partyzanskaha RAUS Paškievič, pakazańni suprać zatrymanaha daŭ staršy ŭčastkovy Maksim Krykunoŭ, jaki pa kanviejery daje pakazańni i na inšych zatrymanych na akcyi. Jon udakładniŭ, što Šyła kryčaŭ «Žyvie Biełaruś!», «Sychodź», «Hańba».
Ivan całkam pryznaŭ vinu i prasiŭ sud dać jamu štraf, adznačaŭ, što pracuje i zmoža jaho apłacić. Sprava ŭ tym, što papiarednim zatrymanym sudździa Kočak davaŭ sutki aryštu z arhumientacyjaj, što jany biespracoŭnyja i nie zmohuć apłacić štraf. Ale i Šyła atrymaŭ takoje ž pakarańnie — 6 sutak aryštu.
Sud ciahnuŭsia 10 chvilin, sudździa Kočak navat nie vyjšaŭ z zały suda, kab abdumać rašeńnie, tut ža na miescy ahučyŭ pastanovu ab aryšcie.
