Rasija nie vyklučaje mahčymaści praviadzieńnia ździełki svop ź Biełaruśsiu ŭ nacyjanalnych valutach, anałahičnaj toj, jakaja była praviedziena pamiž Biełaruśsiu i Kitajem.Ab hetym zajaviŭ siońnia ŭ Minsku žurnalistam vice‑premjer — ministr finansaŭ Rasii Alaksiej Kudryn, adkazvajučy na pytańnie ab mahčymaściach pradastaŭleńnia Rasijaj jašče adnaho kredytu Biełarusi.
«My pavinny dadatkova vyvučyć taki instrumient. Nie vyklučana, što my budziem vykarystoŭvać jaho ŭ adnosinach ź Biełaruśsiu, ale heta patrabuje dadatkovaj prapracoŭki», — skazaŭ Alaksiej Kudryn.
Pavodle jaho słoŭ, u ramkach płana sumiesnych dziejańniaŭ Biełarusi i Rasii pa minimizacyi nastupstvaŭ suśvietnaha finansavaha kryzisu jość punkt pa pašyreńniu prymianieńnia nacyjanalnych valut va ŭzajemnych raźlikach. U krasaviku biahučaha hoda nadychodzić termin pradastaŭleńnia adpaviednych prapanoŭ. Ciapier jany rychtujucca. «Dumaju, što isnuje bolš bahaty instrumientaryj pa akazańniu padtrymki, akramia adnaho takoha instrumienta, jak kredyt», — adznačyŭ Alaksiej Kudryn.
Pavodle słoŭ ministra finansaŭ Biełarusi Andreja Charkaŭca, «svop — heta dastatkova novy instrumient dla nas i dla Kitaju». Takaja ŭhoda była ažyćcioŭlena Biełaruśsiu ŭpieršyniu. «Mahčyma, jašče nie čas analizavać efiekt, jaki moža być atrymany ad jaje, ale tym nie mienš cikavaść da jaje jość. Heta sihnał, što padobnyja instrumienty mohuć być vykarystany i ŭ adnosinach z Rasijaj. Va ŭsialakim vypadku, biełaruski bok budzie prapanoŭvać takija varyjanty», — skazaŭ Andrej Charkaviec.
Nahadajem, 11 sakavika Nacyjanalny bank Biełarusi i Narodny bank Kitaja padpisali pahadnieńnie ab valutnym svopie — heta kambinacyja dźviuch procilehłych kanviersijnych ździełak na adnolkavuju sumu z roznymi datami valuciravańnia. Sutnaść jaje ŭ tym, što adnačasova adbyvajecca kupla i prodaž zamiežnaj valuty na adnolkavuju sumu z roznymi datami pastaŭki. U ramkach zaklučanaha z Kitajem pahadnieńnia budzie pradastaŭlena 20 młrd. renminbi i Br8 trłn. (amal $3 młrd.).
