Kiraŭnik Administracyi prezidenta Uładzimir Makiej sustreŭsia 20 sakavika z kiraŭnikami dypłamatyčnych pradstaŭnictvaŭ dziaržaŭ — členaŭ ES u našaj krainie, a taksama pradstaŭnictva Jeŭrapiejskaj kamisii ŭ Biełarusi.
U čas sustrečy «adbyŭsia kanstruktyŭny i adkryty abmien dumkami pa šyrokim kole pytańniaŭ uzajemadziejańnia Biełarusi ź Jeŭrapiejskim sajuzam jak u ekanamičnaj, tak i sacyjalna‑palityčnaj śfiery». Abmierkavany pierśpiektyvy ŭdziełu Biełarusi ŭ prahramie ES «Uschodniaje partniorstva», rašeńnie pa jakoj było pryniata ŭ hety dzień na samicie Jeŭrasajuzu.
Byli taksama zakranuty kankretnyja napramki supracoŭnictva ŭ halinach, jakija ŭjaŭlajuć uzajemnuju cikavaść. Razmova, u pryvatnaści, išła ab aktyvizacyi ŭzajemadziejańnia ŭ realizacyi enierhietyčnych, transpartnych i ekałahičnych prajektaŭ, vyrašeńni ahulnych mytnych prablem, baraćbie ź nielehalnaj mihracyjaj i transhraničnaj złačynnaściu.
