Miedyki ŭ kaściumach chimabarony zabrali ź pieciarburhskaha aeraporta pasažyra, jaki byŭ na adpačynku ŭ Kitai. U jaho vysokaja tempieratura, paviedamlaje Fontanka.
Zabirali pasažyra praz słužbovy ŭvachod źleva ad terminała, u kaściumach chimabarony byŭ kiroŭca i lekar. Jak paviedamili surazmoŭcy vydańnia «Doktor Pitier», pasažyra pavieźli ŭ kliničnuju infiekcyjnuju balnicu imia Botkina, paćvierdžanaha dyjahnazu jašče niama, ale ŭ jaho vysokaja tempieratura. Viadoma, što ŭ Pieciarburh jon pryjechaŭ z Kitaja.
Novy karonavirus 2019-nCoV zabiŭ u Kitai ŭžo dzieviać čałaviek, u krainie 440 vypadkaŭ zaražeńnia. Va ŭsich paciarpiełych adnolkavyja simptomy: vysokaja tempieratura, prablemy z dychańniem i kašal. Suśvietnaja arhanizacyja achovy zdaroŭja ličyć, što novy virus moh pieradacca da čałavieka ad žyvioł, jak śviny i ptušyny hryp.