Pra heta zajaviŭ 23 śniežnia kiraŭnik dziaržavy, adkazvajučy na pytańni žurnalistaŭ u Biarozie (Bresckaja vobłaść).
«Cana na haz dla Biełarusi budzie padać. Z 1 studzienia da 31 śniežnia 2009 hoda jana značna ŭpadzie, prykładna ŭ 2,5‑3 raza, i ŭ siarednim budzie prymalnaj dla nas.
Kamientujučy vyniki pieramovaŭ prezidentaŭ Biełarusi i Rasii, što prajšli 22 śniežnia ŭ Maskvie, Łukašenka kanstatavaŭ, što baki damovilisia pa ŭsich pytańniach.
Pavodle jahonych słovaŭ, u Biełarusi ŭdziačnyja za hetyja damoŭlenaści, i Biełaruś u daŭhu nie zastaniecca.
«My adpracujem. I heta znajšło razumieńnie ŭ kiraŭnictvie RF.Choć sprečki byli haračyja, ale my ŭ pryncypie damovilisia», — skazaŭ biełaruski lider.
U toj ža čas Łukašenka pryznaŭ, što pieramovy byli ciažkija.
«Situacyja składvałasia nie lepšym čynam na našu karyść, i tym nie mienš my nie hulali suprać Rasijskaj Fiederacyi. Z našaha boku nie było nijakich pierakodaŭ u rašeńni ŭsich pytańniaŭ, jakija pastaviła pierad nami Rasija: i vajenna‑palityčnych, i sacyjalnych, i ekanamičnych.
My prymajem ŭsie prapanovy i hatovy vieści pa ich pieramovy».
0
0
0
0
0
0
