Žanočaja zbornaja Biełarusi pa handbole praviała druhi matč hrupavoha turniru na čempijanacie Jeŭropy ŭ Makiedonii. Na hety raz našymi supiernicami byli alimpijskija čempijonki Piekinu — rasijanki.
Paśla hanarovaj ničyjoj z šviedkami našy dziaŭčaty aśmialeli. Pačatak hulni byŭ roŭnym. Ale ŭžo na pierapynak kamandy sychodzili ź pieravahaj našych uschodnich susiedak składała šeść miačoŭ — 12:18.
Adnak, jak i ŭ pieršym matčy turniru, biełaruski ŭzbadziorylisia. I za piatnaccać chvilin da finalnaha śvistka adstavańnie padapiečnych Kanstancina Šaravarava składała ŭsiaho adzin miač — 21:22. Było mnostva momantaŭ navat vyraŭniać lik, ale nie pašancavała.
Bolš daśviedčanyja rasijanki vyrvalisia napierad. Kančatkovy lik — 25:29. Samaj vynikovaj u składzie našych była Iryna Mahilina, jakaja zakinuła šeść hałoŭ, u Natalli Płatanovič i Valanciny Hryhorjevaj — pa čatyry.
***
U druhim matčy dnia ŭ našaj hrupie šviedki nie pakinuli nadziei na stanoŭčy vynik aŭstyjkam — 24:10. Takim čynam, skandynaŭki i rasijanki ŭžo zabiaśpiečyli sabie vychad u nastupny raŭnd.
Biełaruskam dla hetaha ŭ subotu treba abaviazkova pieramahać zbornuju Aŭstryi.
0
0
0
0
0
0
