«Terminy pa vybary placoŭki byli vyznačanyja da kanca 2008 hoda. Hetyja terminy nie adsoŭvajucca. 22—23 śniežnia projdzie pasiadžeńnie dziaržaŭnaj kamisii, jakuju ŭznačalvaje ministr enierhietyki Alaksandr Aziarec, tam i budzie vyznačana placoŭka», — zaznačyła jana.
Pavodle jaje słoŭ, na nastupnym tydni Biełaruś naviedaje ekśpiert MAHATE. Padčas hetaj misii buduć dadzienyja rekamiendacyi pa vybary placoŭki i acenka mierapryjemstvam pa raźvićci atamnaj enierhietyki, što pravodziacca ŭ krainie.
Nahadajem, raniej čakałasia, što dziaržaŭnaja kamisija pa vybary miesca raźmiaščeńnia AES vyznačyć placoŭku dla budaŭnictva na pasiadžeńni 23 vieraśnia. Adnak na pasiadžeńni ŭ Ministerstvie enierhietyki kančatkovaje rašeńnie tak i nie było pryniataje.
14 kastryčnika padčas adkryćcia ŭ Minsku vystavy EnergyExpo staršynia prezidyuma NANB Michaił Miaśnikovič zajaviŭ žurnalistam,
što najbolš pryjarytetnaj dla budaŭnictva AES u Biełarusi zastajecca Astravieckaja placoŭka (Hrodzienskaja vobłaść).Druhoj pa pryjarytetnaści, pavodle jaho słoŭ, źjaŭlajecca Čyrvonapalanskaja (Čavuski rajon Mahiloŭskaj vobłaści), treciaj — Kukšynaŭskaja (Škłoŭski rajon Mahiloŭskaj vobłaści).
Staršynia prezidyuma NANB patłumačyŭ, što Astravieckaja placoŭka najbolš vyhadnaja «ŭ pytańniach supraciŭleńnia hruntaŭ».U toj ža čas jon padkreśliŭ, što ciapier vyvučajucca ŭsie try patencyjalnyja placoŭki, i na ŭsich nijakich zabaranialnych faktaraŭ dla budaŭnictva AES niama.
Budaŭnictva stancyi moža pačacca ŭžo ŭ kancy hetaha hoda. Pieršy błok AES płanujecca ŭvieści ŭ ekspłuatacyju ŭ 2016 hodzie, druhi — u 2018‑m.