Praciŭniki prezidenta-papulista pieramahli ŭ stalicy krainy Karakasie j dvuch najbujniejšych štatach — Miranda j Sulija.
U toj ža čas padkantrolnaja Čavesu sacyjalistyčnaja partyja zachavała bolšaść u 17 z 23-ch štataŭ. Heta mieniej čym čatyry hady tamu (da apošnich vybaraŭ prychilniki Čavesa kiravali 20-ju štatami krainy). Adnak heta nie zaškodziła vieniesuelskamu prezidentu zajavić pra pieramohu sacyjalizmu.
Takim čynam na siońnia apanienty prezidenta kantralujuć try najbujniejšyja (i samyja raźvityja) štaty krainy j stalicu krainy. 17 štataŭ (zbolšaha addalenyja j małanasielenyja pravincyi) apynulisia pad kiravańniem Sacyjalistyčnaj partyi Uha Čavesa. U vybarach uziali ŭdzieł rekordnyja dla Vieniesueły 64,5% vybarcaŭ.
Vyniki vybaraŭ, a asabliva pieramoha apazicyi ŭ Karakasie (post mera stalicy apošnija 8 hod zajmaŭ prychilnik Čavesa) vyklikali niepakoj Čavesa.
Apazycyja ciapier maje svaju miascovuju ŭładu ŭ pravincyjach, dzie pražyvaje 50% vieniesuelcaŭ.
