Michaił Babič, fota ź Vikipiedyi
Biełaruskim uładam vysłany dakumienty na atrymańnie ahremana (papiaredniaj zhody) na pryznačeńnie Michaiła Babiča, zaraz pradstaŭnika prezidenta ŭ Pryvołžskaj fiederalnaj akruzie, pasłom Rasii ŭ krainie, raspavioŭ RBK surazmoŭca, blizki da Kramla.
Pieravod Babiča ŭ pasły jon nazyvaje pryznačeńniem «aparatna ŭpłyvovaha čałavieka na stratehična važny kirunak». Pytańnie ab źmienie pasła ŭ Biełarusi daŭno abmiarkoŭvałasia i stajała na paradku dnia, skazaŭ RBK surazmoŭca ŭ adnoj ź intehracyjnych struktur SND.
U dumie abmiarkujuć kandydaturu Michaiła Babiča jak pasła ŭ Biełarusi na nastupnym tydni, raspavioŭ surazmoŭca ŭ kiraŭnictvie profilnaha kamiteta. Pavodle jaho słoŭ, pytańnie ab pryznačeńni Babiča ź vialikaj vierahodnaściu budzie adnoj z tem pasiadžeńnia kamiteta Dziarždumy pa spravach SND 18 lipienia.
Paralelna kandydaturu Babiča abmiarkujuć u profilnym kamitecie vierchniaj pałaty, raspavioŭ surazmoŭca. Pavodle jaho słoŭ, hetaje pytańnie pavinny ŭnieści ŭ paradak dnia kamiteta pa mižnarodnych spravach na nastupny tydzień. Pakul što ŭ paradku hetaha pytańnia niama, adznačaje surazmoŭca ŭ aparacie kamiteta.
Pasoł Surykaŭ, što ŭ Minsku ad 2006 hoda, pakinie pasadu, piša RBK.
Michaił Babič ź listapada 2002 pa luty 2003 hoda byŭ staršynioj urada Čačni.
Paśla zvalnieńnia ŭ lipieni 2016 h. pasła Rasii Michaiła Zurabava byŭ pryznačany pasłom va Ukrainie, ale Kijeŭ admoviŭsia ŭzhadnić jaho kandydaturu.
