Kiemlivyja pradprymalniki pa ŭsim śviecie ŭžo znajšli, jak vykarystać sabie na karyść luboŭ niekatorych pradstaŭnic žanočaha połu da fatahrafavańnia z kvietkami: za hrošy jany pryvoziać dziaŭčynie, naprykład, 101 ružu na 10 chvilin, dajuć mahčymaść zrabić ź imi fotazdymak i śpiašajucca da nastupnych klijentak.
Asablivaj papularnaściu pasłuha karystajecca napiaredadni śviataŭ nakštałt 8 sakavika. Kali ŭsia stužka instahrama milhaje ščaślivymi siabroŭkami, jakija trymajuć u rukach pryhožyja kvietki, nie chočacca zastavacca biełaj varonaj.
Fota @sorval
Šmat takich prapanoŭ užo jość u Rasii. Biełaruskija słužby dastaŭki kvietak pakul što na prośbu pryvieźci bukiet na 10 chvilin adkazvali «NN», što «heta niejkaje kaščunstva» ci «kvietki ž straciać svoj pieršapačatkovy vyhlad». Mabyć, pakul nichto jašče nie paśpieŭ padličyć mahčymuju vyhadu ad hetaj spravy.