 |
U paniadziełak prezydent Irana sustreŭsia sa studentami Kalumbijskaha ŭniversytetu. Studenty prosta zavalili prezydenta Irana pytańniami. Pry tym, pavodzili siabie davoli śmieła. Upeŭnivańni ŭ mirnych namierach iranskaj jadziernaj prahramy amerykanskich studentaŭ cikavili mała. Klučavym słovami sustrečy stali «Izrail, chałakost, pravy čałavieka i homaseksualizm».
Aŭdytoryja ŭmiaściła 700 čałaviek, 80 adsotkaŭ jakich składali studenty. Dziasiatki byli apranutyja ŭ cišotki z nadpisam «Spynicie zło Achmadynedžada». Zrazumieła, što i achova była adpaviednaja.
Ton zadaŭ rektar Kalumbijskaha ŭniversytetu Li Bolindžer, zajaviŭšy, što Achmadynedžad pavodzić siabie jak «nikčemny i žorstki dyktatar», a admaŭleńnie chałakosty śviedčyć ab jahonaj «nieadukavanaści abo pravakacyjnaści».
Bolšaść pytańniaŭ rektara prezydent Irana prosta praihnaravaŭ.
Asabliva burnuju reakcyju vyklikała pytańnie pra homaseksualistaŭ. Achmadynedžad ličyć biespadstaŭnymi abvinavačvańni ŭ parušeńni pravoŭ čałavieka ŭ Iranie, a tym bolš — u pieraśledzie homaseksualistaŭ.
«U Iranie niama homaseksualizma. Heta prablema vašaj krainy», — zajaviŭ prezydent.
Hety vyklikała chvalu śmiechu ŭ zali. Jamu nahadali, što zhodna pravaabarončym arhanizacyjam, homaseksualizm u Iranie nia tolki isnuje, ale za jaho jašče i karajuć śmierciu.
Taksama studentaŭ chvalavała izrailskaje pytańnie. Raniej Achmadynedžad abviaściŭ Izrail metaju źniščeńnie:
«My nie pryznajem hety režym, bo jon hruntujecca na akupacyi i rasiźmie.»
Niezadavoleny prezydent Irana i režymam u samich Štatach:
«My nia zhodnyja z tym, jakim čynam urad ZŠA namahajecca kiravać śvietam. My ličym, što jahonyja metady niaviernyja. Jany viaduć da vajny, dyskryminacyi i krovapralićcia.»
Tyja, chto nia zdoleŭ patrapić na sustreču z prezydentam Irana, raźmiaścilisia pad voknami ŭniversyteckaj aŭdytoryi i hučna reahavali na słovy Achmadynedžada.
