 Napaleon Orda |
Siońnia ŭ Viciebsku, u vystavačnaj zale Centra Sučasnaha Mastactva, adčyniajecca vystava pa vynikach plenera, pryśviečanaha 200‑hadovamu jubileju sa dnia naradžeńnia Napaleona Ordy, viadomaha muzykanta, mastaka i piedahoha. Plener prachodziŭ na Hłyboččynie z 25 śniežnia pa 2 studzienia.
I plener, i vystava arhanizavany Kulturna‑aśvietnickim centram imia Jazepa Drazdoviča. Hałoŭnaja meta vystavy — pakazać hledačam tyja miaściny, jakija ŭ svoj čas bačyŭ i malavaŭ Orda. Heta nie tolki biełaruskija krajavidy. Mastak Jaŭhien Šatochin, naprykład, pradstaviŭ niekalki karcin, zroblenych ŭ Paryžy. U ekspazicyju ŭvajšli bolš jak 60 karcin biełaruskich mastakoŭ — i maładych, i dobra viadomych. Viciablanie zmohuć naviedvać vystavu na praciahu dvuch tydniaŭ. Dahetul ekspazicyja pabyvała ŭ Navapołacku, a ŭ pierśpiektyvie zapłanavana paznajomić ź joj žycharoŭ šerahu biełaruskich haradoŭ.
