U presu patrapiŭ tajny dakład narveskaha ŭradu, u jakim Osła aceńvaje rost pahrozy z boku Rasiei.
«U Narvehii jość patencyjnyja, specyfična nacyjanalnyja prablemy ŭ sfery biaśpieki, jakija, treba mierkavać, pryjdziecca vyrašać ułasnymi siłami, biez apory na sajuźnikaŭ», — heta cytata z dakładu ŭradu, jaki trapiŭ u rasparadžeńnie narveskaha hramadzskaha telebačańnia NRK.
Dakład adznačaje, što ŭ vypadku «pavažnaha kanfliktu» na tle sprečak pra arktyčnyja radoviščy nafty j hazu abo zony rybactva, Narvehii pryjdziecca samoj baranić svaje intaresy. Pryčyna — zasiarodžanaść Paŭnočnaatlantyčnaha aljansu na baraćbie z teraryzmam.
U dakumencie padkrelivajecca, što Rasieja iznoŭ rezka pavialičyła svaju vajskovuju aktyŭnaść u Arktycy.
— Havorka nie idzie pra niepasrednuju niebiaśpieku vajny i parušeńnia stabilnaha miru, ale jość svajho rodu «šeryja zony», — zajaviŭ narveskamu radyjo kiraŭnik narveskaj armii hienerał Svere Dysen, vymušany davać kamentary. — U apošnija hady rezka vyrasła kolkaść palotaŭ rasiejskaj avijacyi ŭzdoŭž narveskich bierahoŭ. I, jak pišacca ŭ dakładzie, Rasieja stała vyklikam dla biaśpieki krainy.