 |
Biełaruskaja internet-biblijateka «Kamunikat» pieratvaryłasia ŭ razhalinavany biblijatečny sajt z kataloham, pošukavaj systemaj, padpiskaj RSS i rejtynham vydańniaŭ.
Kamunikat.org, jak i raniej, maje dva asnoŭnyja raździeły – „knini” j „časopisy”. Da hetaha dadaŭsia jašče raździeł „artykuły”.
Dahetul na novym sajcie KAMUNIKAT.org udałosia sabrać bolš za 500 biełaruskich knih i časopisaŭ. Ale da kanca 2007 hodu budzie ich bolš za 1 000, abiacaje stvaralnik sajtu, biełastocki biełarus Jarasłaŭ Ivaniuk.
Novym sajtam karystacca budzie namnoha praściej, čym staroj biblijatekaj, da jakoj dostup usio jašče zastaniecca adkrytym.
Dadatkovyja hrošy na raźvićcio hetaj biełaruskaj elektronnaj biblijateki daŭ urad Polščy ŭ ramkach adnoj z prahramaŭ dapamohi biełaruskamu nacyjanalnamu budaŭnictvu.
Darečy, heta nie adzinaja niezaležnaja elektronnaja biblijateka ŭ Necie. Biełarus Andruś Žvir, jaki žyvie ŭ Aŭstryi, zakłaŭ inšy bahaty knihazbor knihi.com. Tam taksama lha znajści słoŭniki, artykuły i navat kulinarnyja recepty i muzyku dla mabilnych telefonaŭ.
