Treciaja linija budzie mieć praciahłaść 17 km i ŭklučać 14 stancyj. Jana projdzie pa vuł. Karžanieŭskaha, terytoryi ciapierašniaha aeraporta «Minsk-1», vuł. Aeradromnaja, vyjdzie da čyhunačnaha vakzała, dalej nakirujecca pa vuł. K.Cetkin, pr. Mašerava, vuł. Bahdanoviča i zavieršycca ŭ Zialonym Łuzie. Na pieršuju liniju pierasadka budzie ažyćciaŭlacca na stancyi «Płošča Lenina», na druhuju — na «Frunzienskaj». Budaŭnictva treciaj linii mietro pačniecca z 2010 hoda.
A z 15 kastryčnika hetaha hoda na novych stancyjach pieršaj linii mietro «Barysaŭski trakt» i «Uručča» pačniecca paŭnacennaja abkatka sastavaŭ. Ab hetym paviedamiŭ žurnalistam načalnik Dyrekcyi pa budaŭnictvu Minskaha mietrapalitena Vasil Žybul paśla probnaha pusku hetaha ŭčastka mietro.
Ciapier viadziecca budaŭnictva troch stancyj na pieršaj linii ad «Instytuta kultury» da stancyi «Piatroŭščyna» ahulnaj praciahłaściu 5,5 km. Uvieści ŭ ekspłuatacyju hety ŭčastak zapłanavana ŭ 2011 hodzie. Tady ž budzie pabudavany kavałak 1,8 km ad «Piatroŭščyny» da žyłoha rajona Malinaŭka.
Staličnaja padziemka budzie składacca z 39 stancyj i mieć ahulnuju praciahłaść 46 km.
