Bolš za 200 podpisaŭ z patrabavańniem da ŭładaŭ źviarnuć uvahu na prablemy haradskoha hramadskaha transparta padali aktyvisty niezarehistravanaha ruchu «Za Svabodu» ŭ Kalinkavicki rajvykankam i rajsaviet deputataŭ.
Na praciahu niekalkich hadoŭ ŭłady Kalinkavičaŭ (Homielskaja vobłaść) nie mohuć vyrašyć prablemu haradskoha hramadskaha transparta. Raskład haradskich aŭtobusaŭ nie adpaviadaje patrebam nasielnictva, vielmi časta aŭtobusy nie prychodziać u vyznačanyja terminy, prypynki nie abstalavany naležnym čynam. Tamu ŭ kancy žniŭnia hetaha hoda hrupa aktyvistaŭ Ruchu «Za Svabodu» vyrašyła źviarnuć uvahu žycharoŭ i ŭładaŭ na štodzionnyja prablemy horada.
Na pieršym etapie u horadzie było raspaŭsiudžana kala 1000 ekzemplaraŭ infarmacyjnych materyjałaŭ, u jakich vykładałasia sutnaść prablemy i mahčymyja šlachi jaje vyrašeńnia, a taksama nazyvalisia šlachi finansavańnia.
Na druhim etapie aktvisty sabrali bolš za 200 podpisaŭ žycharoŭ Kalinkavičaŭ pad zvarotam u rajvykankam i rajsaviet deputataŭ z patrabavańniem źviarnuć uvahu i vyrašyć prablemu haradskoha hramadskaha transparta.