Pra heta paviedamiła Radyjo Svaboda juryst Śviatłana Panamarenka. Jana ŭdakładniła, što siońnia dniom Aleś Jaźvinski byŭ zatrymany ŭ Baranavičach. Milicyjanty kanfiskavali ŭvieś nakład śviežaha numaru niedziaržaŭnaha tydniovika “Brama” i praviali dopyt redaktara.
“Pa viartańni Alesia damoŭ jaho naviedaŭ śledčy Niaśviskaha RUUS, a paśla ź hrupaj milicyjantaŭ zajaviŭsia, jak jon siabie nazvaŭ, načalnik śledčaha adździełu”, – havoryć spadarynia Panamarenka.
U telefonnaj razmovie ź milicyjantami juryst vyśvietliła, što jany nia majuć orderu na vobšuk.
“Staršy aficer imkniecca kanfiskavać mikrapracesar z kamputaru Alesia Jaźvinskaha, – paviedamlaje Śviatłana Panamarenka, – a svaje dziejańni tłumačyć nibyta namieram redaktara Jaźvinskaha źniščyć u kamputary kaštoŭnuju infarmacyju”.
