 Natalla Piatkievič |
Pieramoŭnaja hrupa pa praviadzieńni 14 kastryčnika «Eŭrapiejskaha maršu» jašče 10 vieraśnia nakiravała list namieśnicy hłavy Administracyi prezydenta Natalli Piatkievič. U liście padpisanty prosiać ab sustrečy z čynoŭnicaj z metaj «abmierkavańnia pytańniaŭ arhanizacyi i praviadzieńnia hetaha mierapryjemstva». Jany prosiać pryznačyć sustreču ŭ luby zručny dla Piatkievič čas. I choć zvarot byŭ nakiravany ŭžo dziesiać dzion tamu, adkazu ŭsio jašče niama, Natalla Piatkievič maŭčyć.
Siarod inšaha ŭ liście havaryłasia:
«Aficyjnaja pazycyja siońnia daje nadzieju na toje, što ŭ našaj krainie źjavicca ahulnaje razumieńnie perspektyvaŭ raźvićcia Biełarusi. Miž uładaj i apazycyjaj niama roznahałośsiaŭ ŭ tym, što tyčycca nieabchodnaści zamacavańnia niezaležnaści krainy. I apazycyja, i ŭłada siońnia havorać ab tym, što supracoŭnictva z Eŭropaj adkryvaje dla Biełarusi novyja mahčymaści. Pry asabistaj sustrečy my zmahli b bolš padrabiazna abmierkavać zakranutyja tut pytańni i plany praviadzieńnia «Eŭrapiejskaha maršu». List padpisany Viktaram Ivaškievičam, Michaiłam Maryničam, Andrejem Sańnikavym, Stanisłavam Bahdankievičam, Jurjem Chadykam».
Treba nahadać, što da siońniašniaha dnia Mienharvykankam nia daŭ adkazu na zajavu ab praviadzieńni «Eŭrapiejskaha maršu» 14 kastryčnika ad Kastryčnickaj płoščy da Nacyjanalnaj biblijateki.
