Konkurs maje na mecie pryciahnuć uvahu žurnalistaŭ i hramadskaści da prablemy zachavańnia histaryčnaj spadčyny Biełarusi. Da ŭdziełu ŭ im zaprašajucca nie tolki siabry BAŽ, ale i ŭsie žurnalisty drukavanych i elektronnych biełaruskich ŚMI.
Pavodle Pałažeńnia ab fotakonkursie, jakoje zaćvierdziła Praŭleńnie BAŽ 28 žniŭnia, spabornictvy projduć u dva etapy: z 1 pa 30 vieraśnia žury prymaje raboty, a z 1 pa 15 kastryčnika prachodzić padviadzieńnie vynikaŭ konkursu i ŭhanaravańnie pieramožcaŭ.
Kožny ŭdzielnik moža dasłać na konkurs nie bolš jak 3 fotazdymki, jakija adlustroŭvajuć prablematyku zachavańnia histaryčnaj spadčyny.
Pad fotazdymkam pavinna być paznačana:
imia i proźvišča aŭtara;
kantaktny telefon;
miesca i čas, kali byŭ zrobleny zdymak;
nazva zdymka (pažadana).
Farmat fotazdymkaŭ vybiraje aŭtar.
Fotazdymki dasyłajucca ŭ elektronnym vyhladzie na adras: [email protected]
U temie lista pavinna być paznačana «Miedyja‑kampanija».
Raboty ŭdzielnikaŭ konkursu buduć vyviešanyja na Internet‑staroncy miedyja‑kampanii «Žurnalisty za histaryčnuju spadčynu» , dzie kožny naviedvalnik zmoža acanić ich pa 5‑balnaj sistemie. Toj fotazdymak, jaki nabiare najbolšuju kolkaść hałasoŭ, atrymaje śpiecyjalny pryz.
Žury budzie źviartać asablivuju ŭvahu na adpaviednaść tematycy i aktualnaść konkursnych fotazdymkaŭ.
Lepšyja fotazdymki kankursantaŭ uvojduć u ekspazicyju vystavy «Biełaruś, jakuju zaŭtra my nie ŭbačym».