KDB zajaŭlaje, što paviedamleńni ab devalvacyi biełaruskaha rubla rassyłali abanientam mabilnych apierataraŭ «MTS» i Velcom zamiežnyja chakiery, paviedamlaje BiełaPAN.
Papiarednie ŭstanoŭlena, što rassyłki ažyćciaŭlalisia praź siervier, jaki znachodzicca na terytoryi Indyi, paviedamlaje Centr infarmacyi i hramadskich suviaziaŭ KDB Biełarusi.
Jak paviedamili ŭ centry infarmacyi i hramadskich suviaziaŭ (CIHS) KDB, u pryvatnaści, prykładna tysiača abanientaŭ mabilnaj suviazi ŭ krainieatrymali paviedamleńni pra toje, što, nibyta z 8 studzienia 2013 hoda kurs dołara ZŠA budzie składać 14.340 biełaruskich rubloŭ, kurs jeŭra — 18.116 biełaruskich rubloŭ. U jakaści pieršakrynicy infarmacyi šlacham padmieny adrasa realnaha adpraŭnika ŭkazany telefon, jaki naležyć Nacyjanalnamu banku Biełarusi.
«Papiarednie ŭstanoŭlena, što rassyłki ažyćciaŭlalisia praź siervier, jaki znachodzicca na terytoryi Indyi, — adznačajecca ŭ paviedamleńni CIHS KDB. — Ab prynaležnaści złačyncaŭ da zamiežnaj dziaržavy śviedčyć ich niekampietentnaść, pakolki ŭ paviedamleńniach ukazany sumy ŭ nacyjanalnaj valucie, jakija ŭ Biełarusi nie znachodziacca ŭ abaračeńni (18 tys. 116 biełaruskich rubloŭ)».
Upraŭleńniem biaśpieki ŭ śfiery infarmacyjnych technałohij KDB pravodzicca razbor, ustanaŭlivajucca asoby, jakija majuć dačynieńnie da pravakacyjnych dziejańniaŭ, zajavili ŭ Kamitecie dziaržbiaśpieki.
Nahadajem, što 4 studzienia Nacbank nazvaŭ čutki pra rezkuju źmienu 8 studzienia kursaŭ dalara i jeŭra čystaj pravakacyjaj i tryźnieńniem.
Hladzi jašče: Ekanamist Pavieł Danejka: Padstavy dla devalvacyi jość.
