Ілюстрацыйнае фота «Наша Ніва»
34-гадовы мужчына пайшоў разам з маленькім сынам на прагулку, але дадому вярнуўся адзін.
Прапажу хлопчыка першымі заўважылі бабуля і дзядуля. Але мужчына быў настолькі п'яны, што толкам нічога расказаць не змог.
Не атрымаўшы выразных адказаў на свае пытанні, сваякі адправіліся шукаць унука. Самастойна знайсці не ўдалося — давялося выклікаць міліцыянтаў. Яны і знайшлі хлопчыка ў аднаго з таварышаў бацькі.
Як аказалася, на прагулцы бацька дзіцяці ўбачыў знаёмага і вырашыў сустрэчу добра адзначыць. Аднак не разлічыў сілы, з алкаголем перабраў і, не даўшы рады з сабой, заснуў на лавачцы побач з домам.
Сын не змог пабудзіць бацьку і ў выніку пайшоў у госці да яго таварыша. Там яго і знайшлі міліцыянты.
Чытайце таксама:
П'яны 24-гадовы беларус буяніў у ноч на нядзелю на вакзале нямецкай Геры
Юны і п'яны мінчук-наркаман напракудзіў у дзіцячым садку і разнёс два пад'езды. Як яго пакаралі?
