Скрыншот інстаграма сясцёр Груздзевых
Адна з сясцёр (складана сказаць, хто менавіта, бо вядуць агульны інстаграм Груздзевы адначасова) напісала, што бачыла нядобры сон, пасля якога яна ўвесь дзень адчувала жах і чакала чагосьці дрэннага.
Скрыншот сторыс сясцёр Груздзевых
Дарэчы, у пачатку сакавіка Груздзевы ўжо прадказвалі тэракт — праўда, у Беларусі, — і загадзя абвінавачвалі ў ім апазіцыю. Аб гэтым сне яны таксама вырашылі нагадаць цяпер:
— Божа… Што ж за сон мне сёння прысніўся… І калі гэта сапраўды адбудзецца?! Ну такое ж не можа проста так прысніцца… Я ж ведаю… такія сімвалы… Адназначныя… Страшныя… Апазіцыя… Нелюдзі… Што ж вы рыхтуеце… — пісалі Груздзевы ў сторыс.
Кароткі змест таго самага сну: выступае нейкая спявачка і падчас яе канцэрта раздаецца выбух.
Скончыць эзатэрычны сеанс у сторыс Груздзевы вырашылі скрыншотам паста Рыгора Лепса, у якім той шле праклёны арганізатарам і выканаўцам тэракту. Канешне, Груздзевы, у адрозненне ад расійскіх сілавікоў, ужо ведаюць іх імёны.
— Рыгор Лепс вось так напісаў… А калі б толькі ён ведаў, каго ён пракляў. Мне прысніліся гэтыя імёны.
Скрыншот сторыс сясцёр Груздзевых
Трэба адзначыць, што некаторыя сны сясцёр Груздзевых сапраўды здзяйсняюцца. Напрыклад, пра тое, што Пуцін пераможа на выбарах, артысткам паведаміў Сталін. Так, даўно памерлы генсек не паленаваўся асабіста з'явіцца ў сне беларускім спявачкам, каб агучыць спойлер.
Чытайце таксама:
Чытайце таксама:
Адказнасць за тэракт у «Крокусе» ўзяў на сябе ІДІЛ. ЗША пацвярджае
З’явілася поўнае відэа ўцёкаў людзей з «Крокус Хола» пасля пачатку страляніны
