Старая вывеска ў рэтра-стылі. Фот: Анлайнер
Сёння на фасадзе дома па плошчы Перамогі замест вывескі «Бярозка», выкананай у рэтра-стылі 1960-х гадоў, красуецца простая вывеска «Берёзка». Фота апублікаваў у сваім тэлеграм-канале фуд-блогер Какабай.
Новая шыльда «Бярозкі». Фота: тэлеграм-канал «Мерзкий Кокобай»
Маладзёжнае кафэ «Бярозка» на гэтым месцы адкрылася ў 1967 годзе. У памяшканні, дзе да таго размяшчалася першая ў БССР закусачная-аўтамат, цалкам змянілі інтэр'ер: калоны сталі нагадваць ствалы бяроз, уздоўж вітрынных вокнаў цягнуліся барныя стойкі. Тут па вечарах збіралася моладзь з усяго горада.
У 1980-я гады «Бярозка» працягвала заставацца тусовачным маладзёжным месцам, але наступныя 30 гадоў практычна не змяняла фармату і не ведала рамонту. Памяшканне пачало прыходзіць у непрыдатнасць, канцэпцыя састарэла.
Вывеска старога кафэ дрэнна ўпісвалася ў архітэктуру, але таксама была выканана па-беларуску. Фота: Relax.by
У 2015 годзе пасля праверкі Мінгандлю «Бярозка» спачатку прыпыніла сваю працу, а пасля зачынілася канчаткова.
Але кафэ выкупіла кампанія Golden Project, вядомая такімі праектамі, як Golden Coffee, «Ангелы», Kinza і інш., якая дала «Бярозцы» новае жыццё.
Менавіта тады для «Бярозкі» быў распрацаваны лагатып і вывеска, выканыныя рэтра-шрыфтам. Але і ранейшыя вывескі на кафэ былі беларускамоўнымі, няхай і не вельмі стылёвымі.
«Наша Нiва» — крыніца якаснай інфармацыі і бастыён беларушчыны
ПАДТРЫМАЦЬ «НН»Чытайце таксама:
Тэатр рускага гледача. Як змяніўся рэпертуар ТЮГа пры Паляковай-Макей
У Магілёве «русіфікавалі» крыж на месцы сталінскіх расстрэлаў
«Менавіта тут шлях вырашылі паўтарыць». На Гомельшчыне насаджаюць культ Кацярыны II
