Скрыншот з відэа
«Давайце шчыра, беларусы думаюць на рускай мове. Я б хацеў, можа быць, каб яны думалі па-беларуску, але яны думаюць па-руску. Калі я пішу ў беларускамоўную прэсу, я магу перастроіцца, думаць па-беларуску, а потым зноў вярнуцца да рускай мовы.
Але нават тыя, хто падкрэслена, пабачыўшы мяне з Азаронкам дзе-небудзь у гарадскім транспарце, пачынае размаўляць на беларускай мове. Я ж бачу пакуты перакладу ў іх вачах.
Я хачу сказаць, што я беларускую мову ведаю лепш за іх, хоць у мяне рускія карані», — сказаў Пуставы.
Варта адзначыць, што аргумент «я ведаю беларускую мову лепш за іх, але не размаўляю на ёй, бо я не такі…» зусім не арыгінальны, ён якраз-такі вельмі тыповы для метадычак русіфікатараў. Пры гэтым дэманстраваць узровень ведання мовы, ды нават проста факт валодання ёй, людзі, якія гэтым «аргументам» аперуюць, часцей за ўсё адмаўляюцца. Як і той жа Пуставы, які падчас сваёй тырады прамовіў усяго толькі пару вымучаных беларускіх слоў.
Чытайце таксама:
Лукашэнкаўскі прапагандыст спрабуе пратачыцца ў эмігранцкія колы
Паглядзелі фільм «На іншым беразе». Расказваем сюжэт і тое, што пабачылі ў кінатэатры
