Яна Шостак і польскі вайсковец. Фота: Most
Балатавацца ў парламент беларуска будзе ад Партыі «Зялёныя», якая ўваходзіць у апазіцыйную «Грамадзянскую кааліцыю». Цяпер Яна чакае зацвярджэння яе кандыдатуры ад кааліцыі.
«Хачу займацца інтэграцыйнай і міграцыйнай палітыкай у Польшчы, быць голасам прыезджых. Каб хтосьці мог адстойваць правы, а гэта лепш за ўсё рабіць знутры Сейма. Ведаю, якія ёсць праблемы ў іншаземцаў у Польшчы, і хачу ім дапамагчы. Я хачу быць голасам беларускай меншасці, а таксама беларускіх уцекачоў з Беларусі, Украіны і іншых краін», — патлумачыла свае намеры і матывы Яна Шостак.
Яна Шостак нарадзілася ў Гродне. Цяпер ёй 30 гадоў, але з 17-гадовага ўзросту дзяўчына жыве ў Польшчы і мае польскі пашпарт. Апошнія тры гады яна дапамагае беларускім і ўкраінскім уцекачам у Польшчы.
Шостак вядомая сваімі акцыямі і перформансамі. Самая вядомая яе акцыя — «Хвіліна крыку для Беларусі», якую яна правяла каля прадстаўніцтва Еўрапарламента ў Польшчы для таго, каб палітыкі звярнулі ўвагу на праблемы ў Беларусі.
У 2022 годзе беларуска стала пераможцай прэстыжнага польскага конкурсу «Пашпарт «Палітыкі». Таксама з пачаткам вайны ва Украіне беларуска актыўна дапамагала ўкраінскім уцекачам на польска-ўкраінскай мяжы.
Чытайце таксама:
