У Шаркаўшчыне зноў прадаюць старую панскую сядзібу 3
Камітэт «Віцебскаблмаёмасць» на найбліжэйшыя два месяцы выставіў на аўкцыёны каля 170 лотаў. Сярод іх пяць гісторыка-культурных аб'ектаў. Адзін з такіх лотаў — былая сядзіба Федаровічаў у гарадскім пасёлку Шаркаўшчына, якую прапануюць купіць за 25,9 тысячы рублёў, піша БелТА.
Дом пабудавалі яшчэ ў пачатку XX стагоддзя. Да 2012-га будынак выкарыстоўвалі пад тэрапеўтычнае аддзяленне раённай бальніцы. Наступныя пяць гадоў ён стаяў пусты, а ў 2017-м упершыню аказаўся на аўкцыёне.
У 2019-м годзе сядзібу набыла жыхарка Наваполацка, але давесці яе да ладу ў жанчыны не атрымалася. Урэшце будынак вярнулі ў дзяржаўную ўласнасць і цяпер прадаюць за паўцаны.
Неяк дзіка, аж перасмыкае ад думкі, што во так во, "нічтоже сумняшеся" піхаюць з аўкцыёну чужую маёмасьць... Некалі адабралі ў гаспадароў, тых пастралялі, хто ня ўцёк, давялі майно ў жабрачы стан, і во, "наця, купляйця, а нам грошыкі давайця"... А нашчадкаў пашукаць, хаця б дзеля прыстойнасьці, не спрабавалі ? Часу няма, пасьпець збыць скрадзенае трэба...
⤷Жвір, Ты, дзядзька, пэўна мае думкі прачытаў? Штосьці падобнае і я хацеў напісаць...
У Глыбокім аж цэлы кляштар кармелітаў, дзе цэлы тыдзень начаваў сам Імператар Францыі, а потым Мураўёў Крывавы судзіў паўстанцаў 1831 г -- хочуць спіхнуць, каб нехта купіў хоць пад нейкую забягайлаўку! Нахалеры каму гэтая суцэльная руіна! Спачатку ўгробіла калгаснае жульё, а цяпер -- бяры-нехачу.
Каб пакінуць каментар, калі ласка, актывуйце JavaScript у наладах свайго браўзеру