У цэнтры Гомеля жанчыны правялі акцыю памяці загінулага Аляксандра Віхра, пішуць Моцныя навіны.
Нагадаем, 25-гадовага хлопца затрымалі ў цэнтры Гомеля 9 жніўня, калі ён ехаў да сваёй дзяўчыны. 11 жніўня ён памёр.
Родныя Аляксандра напісалі заяву ў пракуратуру, СК і папрасілі распачаць крымінальную справу па факце смерці хлопца.
21 верасня мінула 40 дзён з моманту гібелі маладога чалавека. Жанчыны планавалі ўскласці кветкі і запаліць свечкі каля прыпынку «Плошча Леніна», але міліцыя прымусіла перанесці акцыю да Вечнага агню. Абышлося без затрыманняў.
0
0
0
0
0
0