Еўрапарламент прыняў рэзалюцыю з заклікам перагледзець стасункі з Масквой у выпадку, калі абвастрэнне канфлікту на мяжы Расіі і Украіны прывядзе да прамога ўварвання расійскага войска на ўкраінскую тэрыторыю.
У такім выпадку, падкрэсліваецца ў рэзалюцыі, ЕС неабходна неадкладна спыніць імпарт расійскіх нафты і газу, замарозіць актывы звязаных з Крамлём алігархаў і ануляваць дзеянне выдадзеных ім віз.
Акрамя гэтага, аўтары рэзалюцыі мяркуюць, што Расію ў выпадку агрэсіі супраць Украіны неабходна будзе выключыць з сістэмы плацяжоў SWIFT.