Фота The Guardian
Труса па мянушцы Дары, які трапіў у Кнігу рэкордаў Гінэса за свой памер, скралі з дома гаспадыні ў Вустэршыры, паведамляе The Guardian.
Анэт Эдвардс паведаміла паліцыі, што невядомыя скралі труса ўночы з 10 на 11 красавіка. Яна абяцае ўзнагароду £1000 таму, хто знойдзе Дарыя.
Дары мае 1,29 метра ўдоўжкі і важыць больш за 22 кілаграмы. Яго парода называецца «кантынентальны гігант».
69-гадовая Анэт Эдвардс, былая брытанская мадэль, лічыцца гаспадыняй самых вялікіх трусоў у свеце. Яе чатыры трусы афіцыйна былі зарэгістраваныя ў Кнізе рэкордаў Гінэса як самыя вялікія трусы, апошнім з якіх быў Дары.
0
0
0
0
0
0
