Мінская міліцыя шукае мужчыну, які можа мець дачыненне да крадзяжу дзвюх ваз са штучнымі кветкамі. Яшчэ 21 лістапада ў перыяд часу з 14.10 да 14.30 з гандлёвага павільёна на праспекце Незалежнасці ім былі выкрадзены дзве вазы са штучнымі кветкамі на суму больш як 420 беларускіх рублёў.
Прыкметы злодзея: на выгляд 30—35 гадоў, рост 175—180 см, хударлявага целаскладу. Быў апрануты: зялёная куртка з капюшонам, шэрая вязаная шапка, шэрыя джынсы, шэрыя кеды.
Калі вам што-небудзь вядома пра чалавека на фота альбо вы маеце якую-небудзь інфармацыю па здарэнні, просьба звяртацца ў гарадскі аддзел міліцыі Першамайскага РУУС Мінска асабіста (вул. Уручская, 8) альбо па тэлефонах: 8-017- 224-70-33, 8-044-718-63-80, 8-029-179-40-45 альбо 102.
Канфідэнцыяльнасць гарантуецца, абяцаюць у міліцыі.
