Здарэнне апісвае абласная міліцыя.
Муж і жонка даўно развяліся, аднак разам жылі ў агульнай кватэры.
Нядаўна жанчына пасябравала з двума маладымі людзьмі, з імі перыядычна выпівала. Неўзабаве кампанія вырашыла, што былы муж у кватэры лішні, яго папрасілі з'ехаць. Мужчына не спрачаўся і пераехаў на лецішча ў Гродзенскі раён.
Затым жанчына са знаёмымі паспрабавала выжыць яго і адтуль. Яны перыядычна прыязджалі, патрабавалі пакінуць дом, але мужчына адмаўляўся.
Пасля чарговага візіту маладыя людзі папрасілі паказаць ім, як прайсці да чыгуначнай станцыі. Па дарозе накінуліся на мужчыну і прывязалі яго да дрэва.
Мужчына сам вызваліўся. Дабраўся да суседзяў і выклікаў міліцыю. На наступны дзень падазраваных затрымалі на здымнай кватэры ў Гродне. Крымінальная справа заведзена па артыкуле «Незаконнае пазбаўленне волі».
