22-гадовая магілёўка, якая знаходзіцца ў дэкрэтным адпачынку па доглядзе за дзіцем, падманула двух сваіх сябровак, паведамляе міліцыя.
32-гадовую знаёмую дзяўчына ўгаварыла заключыць з адным з банкаў дагавор на выкарыстанне карткі і перадаць картку ёй. Пасля гэтага без ведама сапраўднай уладальніцы карткі яна атрымала крэдыт памерам 2500 рублёў. Далей яна патраціла грошы, а калі прыйшоў час іх вяртаць — пераклала праблему на гаспадыню карткі. Тады апошняя звярнулася ў міліцыю.
Як высветлілася, гэта не адзіны выпадак: яшчэ адну сваю знаёмую дзяўчына ўгаварыла на тое ж самае, праўда, сума крэдыту была меншая.
Гэтыя грошы магілёўка таксама выкарыстала сама, а пасля гэтага перастала выходзіць на сувязь з сяброўкай.
Магілёўскі міжраённы аддзел СК адкрыў крымінальную вытворчасць па ч. 1 арт. 209 КК РБ «Махлярства». Магілёўцы можа пагражаць пазбаўленне волі на тэрмін да трох гадоў.