Fota: Paul White, AP
Pradstaŭniki amierykanskaj i brytanskaj vyviedki supolna sa śledčymi hišpanskaj nacyjanalnaj palicyi pryjšli da vysnovy, što za letašniaj rassyłkaj bombaŭ u Ispanii moža stajać rasiejskaje HRU i «Rasiejski impierski ruch». Ab hetym sa spasyłkaj na aficyjnych asob ZŠA piša hazieta The New York Times.
Śledstva ličyć, što rassyłańnie bombaŭ mahło ažyćciavić HRU praz radykalnuju ŭltrapravuju hrupoŭku «Rasiejski impierski ruch» (RIR), u jakoj jość prychilniki va ŭsioj Jeŭropie i asabliva ŭ Ispanii, a taksama jość svaje ŭłasnyja centry vajskovaj padrychtoŭki ŭ Sankt-Pieciarburhu. Śledčyja adsačyli, što klučavyja čalcy hruppoŭki padčas napadu jakraz znachodzilisia ŭ Ispanii.
Dziarždepartamient ZŠA ŭ svoj čas užo ŭnosiŭ RIR u śpis hłabalnych terarystyčnych arhanizacyj, a taksama adznačaŭ, što hrupoŭka maje suviazi z rasiejskimi śpiecsłužbami.
«RIR pravodziła vajenizavanuju padrychtoŭku prychilnikaŭ pieravahi biełaj rasy i nieanacystaŭ u Jeŭropie, a taksama aktyŭna pracuje nad tym, kab zhurtavać hetyja hrupy», — havorycca ŭ paviedamleńni Dziarždepartamienta.
Fota: Alexander Zemlianichenko, AP
Aficyjnyja asoby ZŠA miarkujuć, što metaj niadaŭnich terarystyčnych aktaŭ u Ispanii było zapałochvańnie jeŭrapiejskich sajuźnikaŭ pa NATA, jakija dapamahajuć Ukrainie abaraniacca ŭ vajnie suprać Rasii. U pryvatnaści, adna z bombaŭ pa pošcie była adpraŭlena zbrojevaj kampanii Instalaza, hranatamioty vytvorčaści jakoj Ispanija pieradaje Ukrainie, a inšaja bomba ŭvohule adpraviłasia na avijabazu Tarechon, dzie raźmieščany abjadnany centr pavietranych apieracyj NATA ŭ Mižziemnym mory.
Amierykanskija čynoŭniki padazrajuć, što da teraktaŭ datyčnaje sakretnaje padraździaleńnie HRU №161 (centr padrychtoŭki śpiecyjalistaŭ na bazie vajskovaj čaści №29155 u Maskvie), jakoje śpiecyjalizujecca na sabatažach, vybuchovaj dziejnaści i arhanizacyi zabojstvaŭ na jeŭrapiejskim kantyniencie.
Heta padraździaleńnie naličvaje nie bolš za dva dziasiatki čałaviek, ale adznačyłasia atručeńniem Skrypaloŭ u Sołśbiery, zamacham na bałharskaha zbrojevaha biznesmiena Jemialjana Hiebreva, padryvam češskaha składa ŭzbrajeńniaŭ u Vrbiecice, a taksama ŭ mnohich inšych spravach.
Fota: wikimedia.org
Nahadajem, što ŭ kancy listapada i pačatku śniežnia minułaha hoda ŭ Ispanii nieviadomyja razasłali prykładna šeść pasyłak z bombami. Ich dastavili, u tym liku ŭ rezidencyju premjer-ministra krainy, ministerstva abarony, na avijabazu, zavod pa vyrabie ŭzbrajeńniaŭ, a taksama ŭ pasolstvy Ukrainy i ZŠA. U vyniku teraktaŭ paciarpieŭ supracoŭnik ukrainskaj ambasady ŭ Madrydzie, jon atrymaŭ ranieńni, kali adkryŭ pasyłku.
Čytajcie jašče:
U Polščy vyratavali vadałazaŭ ź Ispanii. Ale paśla zadumalisia: a što jany rabili?
ZŠA pryznajuć PVK «Vahnier» mižnarodnaj złačynnaj arhanizacyjaj
