Фота: BURCU ATALAY TANKUT / Getty Images
Кетчуп — някепскі сродак для чысткі
Дзякуючы натуральным кіслотам і воцату, якія ўтрымлівае кетчуп, ён нядрэнна працуе ў якасці сродку для чысткі ўпрыгажэнняў. Кетчуп добра ачышчае срэбра і здымае налёт з гладкай біжутэрыі. Дастаткова яе замачыць у місачцы з таматнай пастай на некалькі хвілін, а затым прамыць, высушыць і працерці мяккай аксаміткай.
Кіслоты, якія ўтрымліваюцца ў кетчупе, дапамогуць пазбавіцца ржы з паверхні металічных вырабаў. Ён таксама выдатна чысціць медзь і латунь, дапаможа пазбавіцца плямаў ад жорсткай вады і налёту ад чаю ці кавы на керамічным, фарфоравым ці шкляным посудзе.
Як кетчупам адпаліраваць колавыя дыскі
Таксама ён дапаможа вярнуць бляск металічным дэталям аўтамабіля ці хатняй металічнай фурнітуры. З яго дапамогай можна, напрыклад, адпаліраваць колавыя дыскі. Для гэтага трохі таматнай пасты дадаюць на анучку і актыўнымі рухамі ўціраюць у паверхню. Затым застанецца прамыць дыскі вадою.
Як кетчупам адчысціць сабаку
Таматны соус валодае таксама эфектам нейтралізацыі пахаў з адзення. Для гэтага яго рэкамендуецца замачыць у кетчупе. Проста ў тазік з вадою дадайце столькі таматнага соусу, каб адчуваўся яго арамат. Замачыце адзенне на 30 хвілін, а затым памыйце як звычайна. Праўда, гэты спосаб не падыдзе для далікатных і светлых тканін.
Кетчуп дапаможа і ў выпадку, калі ваш сабака падчас прагулкі набраўся непрыемных пахаў. Для гэтага па вяртанні дадому нанясіце невялікую колькасць кетчупу на рукі і натрыце поўсць свайго гадаванца. Затым памыйце яго.
Поўсць будзе блішчэць і пазбавіцца непрыемнага паху. Для таго каб не нашкодзіць сабаку, рэкамендуецца выбіраць соус з максімальна натуральным складам і без араматызатараў.
Ці можна выкарыстоўваць кетчуп як маску для твару
Як сцвярджаюць эксперты, маска з кетчупу здольная станоўча паўплываць на колер твару дзякуючы лікапіну і вітамінам, што ўтрымліваюцца ў гэтым соусе. (Лікапін, дарэчы, робіцца засваяльным толькі пры тэрмаапрацоўцы памідораў, менавіта ён робіць кетчуп і таматныя пасты такімі карыснымі, асабліва для мужчынскага здароўя.)
Акрамя гэтага кетчуп можа паскорыць зажыўленне дробных ранак.
Аднак трэба памятаць, што гэтых спосабаў ужывання трэба пазбягаць людзям з адчувальнай скурай ці схільным да алергіі.
Спадзяемся, цяпер вы будзеце часцей даставаць з халадзільніка кетчуп.
Чытайце таксама:
Паспрабуйце так ужываць памідор — і вам спадабаецца
Ці трэба мыць рыс? Так, але не таму, чаму вы думаеце
Сацсеткі ахапіў «тэст апельсінавай лупіны», які правярае адносіны з партнёрам на трываласць
што мне рабіць з кетчупам?